മെഡിക്കല്‍ കോളേജുകളിലെ ഒ പി നേരിട്ടുള്ളതു നിറുത്തുന്നു........

നമ്മുടെ നാട്ടില്‍ പണ്ടേ സംഭവിക്കുന്ന ഒന്നാണ്‌ ഒരു മേശക്കു ചുറ്റും കൂടി കുറച്ചു രാഷ്ട്രീയക്കാരും മന്ത്രിമാരും പിന്നെ കുറച്ചു ഉദ്യോഗസ്തന്മാരും കൂടി ഇരുന്നു ഒരോ തീരുമാനം എടുക്കും .. അതു നമ്മള്‍ ജനങ്ങളുടെ മേല്‍ അടിച്ചേല്‍പ്പിക്കും ... അതിന്‍റെ വരും വരായ്കകള്‍ ജനങ്ങള്‍ തന്നെ അനുഭവിക്കണം ... നമ്മുടെ നാട്ടിലെ വിദ്യാഭ്യാസ പരിഷ്കാരങ്ങളും നീയന്ത്രണങ്ങളുമെല്ലാം ഇങ്ങനെ തന്നെയാണ്‌ നിലവില്‍ വരുത്തിയിട്ടുള്ളതു .. ഇതാ അതുപോലെ ഒരു പുതിയ പരിഷ്കാരം കൂടി ... മെഡിക്കല്‍ കോളേജുകളിലെ ഒ പി കള്‍ നീയന്ത്രിക്കുന്നു.. ഇനിമുതല്‍ കീഴ് ആസ്പത്രികളില്‍ നിന്നുള്ള റെക്കമെന്‍ഡേഷന്‍ ലെറ്ററുമായി ചെന്നാലേ ഒ പി അനുവദിക്കൂ... നമ്മുടെ നാട്ടിലെ പ്രാഥമിക ആരോഗ്യ കേന്ദ്രങ്ങളും താലൂക്കാശുപത്രികളുടേയും അവസ്ത ഇവര്‍ക്കാര്‍ക്കും അറിയാഞ്ഞിട്ടല്ല ... ചുരുങ്ങിയതു ഇതു നടപ്പിലാക്കിയാല്‍ വന്നേക്കാവുന്ന ഭവിഷ്യത്തുകള്‍ ഇവര്‍ എത്രത്തോളം പഠിച്ചിട്ടുണ്ടാവും എന്നുള്ളതു ദൈവംതമ്പുരാനുമാത്രമേ അറിയാന്‍ സാധിക്കൂ... എന്തായാലും ഇനി പ്രാഥമിക ആരോഗ്യ കേന്ദ്രങ്ങളിലെ ഡോക്ടര്‍മ്മാര്‍ക്ക് ചില്ലറ കിട്ടാന്‍ ഒരു ഉപാധി കൂടി ആയി എന്നുമാത്രം ... ഒരുപക്ഷേ നാളെ ഒരുകാലത്തു കൃത്യമായ രോഗം കണ്ടെത്താന്‍ വൈകിയതിന്‍റെ പേരില്‍ ആരെങ്കിലും മരിക്കുകയോ അല്ലെങ്കില്‍ അതുപോലെ എന്തെങ്കിലും അപകടകരമായതു എന്തെങ്കിലും സംഭവിച്ചാല്‍ അന്നു നമ്മുടെ കുറേ രാഷ്ട്രീയക്കരും സാമൂഹിക പ്രവര്‍ത്തകരും ഈ നിബന്ധനക്കെതിരേ ശബ്ദിച്ചേക്കാം അതുവരെ പാവം ജനങ്ങളേ നിങ്ങള്‍ അനുഭവിക്കുക അല്ലെങ്കില്‍ കാശു വേണം അതുണ്ടേല്‍ സ്വകാര്യ ആശുപത്രികളില്‍ പോയി രക്ഷപെടാം .....