കുഴികള്‍ പലതരം ജപ്പാന്‍ കുടിവെള്ളം വഹ, കെ എസ് ഇ ബി വഹ, വാട്ടര്‍ അതോറിട്ടിറ്റി വഹ...

നമ്മുടെ സ്വന്തം കേരളത്തിലെ റൊഡുകളെല്ലാം പണ്ടേ ദുര്‍ബല പിന്നേം ... എന്നുള്ള ഒരു പഴഞ്ചൊല്ലു പോലെ തന്നെ ആണ്‌.. കാരണം ഇന്നു കേരളത്തില്‍ പൈപ്പിടാന്‍ വേണ്ടി വെട്ടിമുറിച്ചുപൊളിക്കാത്ത ഏതു റോഡാണ്‌ ഉള്ളത്.. പോളിക്കരുത് എന്നു ആരും പറയുന്നില്ല പക്ഷെ പോളിക്കുന്നതിന്‍റെ നൂറിലൊന്നു താല്‍പര്യം പോലുമില്ല അതു ഒന്നു നേരെ ആക്കാന്‍ എന്തിനു അതു ഒന്നു നേരെ ചൊവ്വേ മൂടാന്‍ പോലും നമ്മുടെ വേണ്ടപ്പെട്ടവര്‍ ശ്രമിക്കാറില്ല.. പലപ്പൊഴായിട്ടു നമ്മുടെ നാട്ടിലെ പലരും ആ കുഴികളില്‍ വീണ്‌ കൈയ്യും കാലും ഒടിയുകയും എന്തിനു ജീവന്‍ പൊലും പോയ അവസ്ത ഉണ്ടായിട്ടുണ്ട്.. പക്ഷെ എന്തു കാര്യം പട്ടിയുടെ വാലു പന്തീരാണ്ടുകൊല്ലം കുഴലിലിട്ടാലും നേരെ ആവില്ല എന്നു പറഞ്ഞപോലെയാണ്‌ നമ്മുടെ ദൈവത്തിന്‍റെ സ്വന്തം നാട്ടിലെ അവസ്ത.. ആര്‍ക്കൊക്കെ എന്തു സംഭവിച്ചാലും ഇവിടെ ഒന്നും മാറില്ല.. കാരണം ​അനുഭവിക്കുന്നത് പാവം ജനങ്ങളല്ലേ??.. എതെങ്കിലും മന്ത്രിമാരുടെയോ മുതലാളിമാരുടേയോ വീടിന്‍റെ അടുത്താണെങ്കില്‍ നാട്ടുകാര്‍ ചിലപ്പോള്‍ രക്ഷപെട്ടേക്കാം .. ഏതു റൊഡു നന്നാക്കിയാലും ഉടന്‍ ഈ കുഴികാരെ അവിടെ ഒക്കെ കാണാം .. ഒരു ശാശ്വതമായുള്ള ഒരു പരിഹാരം കണ്ടെത്താനോ അതിനെക്കുറിച്ച് ആലോചിക്കുവാന്‍പോലും നമ്മുടെ ഈ ഭരണാധികാരികള്‍ തയ്യാറയിട്ടില്ല.. അല്ലെങ്കില്‍ തന്നെ ഇങ്ങനെ കുഴിക്കലും മൂടലും നടത്തിയാലല്ലേ അവരുടെ കീശയും നിറയൂ.. പക്ഷെ കുറച്ചു റോഡുകളുടെ കാര്യത്തിലെങ്കിലും നമ്മളുടെ അധികാരികള്‍ ശ്രദ്ധചെലുത്തിയില്ലെങ്കില്‍ നമ്മള്‍ പ്രതീക്ഷിക്കുന്നതിനേക്കള്‍ വില നല്‍കേണ്ടി വരും .. കൂറഞ്ഞത് മെഡിക്കല്‍ കോളേജിലേക്കുള്ള വഴികളിലെങ്കിലും ഇതുപോലുള്ള കലാപരിപാടികള്‍ കുറച്ചു ദ്രുതഗതിയില്‍ നടത്തിയാല്‍ നമ്മുടെ പാവം രോഗികള്‍ കുറച്ചു പേര്‍ എങ്കിലും രക്ഷപെടും .. ഇതു ഞാന്‍ എഴുതുമ്പോള്‍ നമ്മുടെ തലസ്ഥാനത്തെ മെഡിക്കല്‍ കോളേജുകളിലെക്കുള്ള റൊഡിന്‍റെ അവസ്ത അതാണ്‌ അപ്പോള്‍ പിന്നെ ബാക്കിയുള്ളിടത്തെ അവസ്ത മറ്റൊന്നായിരിക്കില്ലല്ലോ??.. പക്ഷെ ജനങ്ങളേ നിങ്ങള്‍ ബ്ളോക്കിലും കുഴികളിലും കുരുങ്ങി വീണാലും മരിച്ചാലും കൊടിവച്ച കാറില്‍ എസ്കോര്‍ട്ടുമായി 100-110 ഇല്‍ പോകുന്നതിനു തടസ്സമില്ലത്തിടത്തോളം കാലം അവസ്ത ഇതു തന്നെ ആയിരിക്കും ..