ഈ സുഹൃദ്‌ദിനത്തിലും പ്രാര്‍ഥനയോടെ നിനക്കുവേണ്ടി...

ഇതു കഥയും കവിതയും ഒന്നുമല്ല ശരിക്കുമുള്ള ജീവിതം .. ഞങ്ങളുടെ പ്രീയ സുഹൃത്തിനെ കാണാതായിട്ടു ഇന്നു 6 മാസമാകുന്നു... ഇനിയും യാതൊരു വിവരവുമില്ല... ബാലു അവനെ കാണാതാവുന്നതു ചെന്നൈ നഗരത്തില്‍ നിന്നുമാണു... സോഫ്ട്‌വെയര്‍ എഞ്ചിനീയറായിരുന്ന അവന്‍ ചെന്നൈയില്‍ ഒരു സോഫ്ട്‌വെയര്‍ കമ്പനിയില്‍ ജോലിക്കു കയറി കഴിഞ്ഞ ഫെബ്രുവരി മാസം മുതല്‍ ആണു കാണാതാവുന്നത്... അന്നു കമ്പനിയില്‍ ജോലികഴിഞ്ഞു വൈകിട്ടു ഇറങ്ങിയ അവന്‍ ഇതുവരെ തിരിച്ചെത്തിയിട്ടില്ല... ബന്ധുക്കളും സുഹൃത്തുക്കളും ഒരുപാടു അന്വേഷിച്ചു... എല്ലാം വിഫലമായി... ഇപ്പോഴും പ്രതീക്ഷയുമായി എല്ലാവരും കാത്തിരിക്കുന്നു... ചെന്നൈക്കു പോകുന്നതിനു മുന്‍പു തിരുവനന്തപുരത്തായിരുന്നു അവന്‍ ജോലി ചെയ്തിരുന്നതു... അവനെകുറിച്ചുള്ള എല്ലാവിവരങ്ങളും ഈ സൈറ്റില്‍ ഉണ്ടു...

http://whereisbalu.blogspot.com/

പൈസയുടെ വില മറക്കുന്ന തലമുറ....

"എന്റെ മക്കളെ വീട്ടിലെ ഒരു ബുദ്ധിമുട്ടും വരുത്താതെയാ പഠിപ്പിച്ചിട്ടുള്ളേ??... അവന്/ അവള്‍ക്കു ആവശ്യം ഉള്ളപ്പോള്‍ എല്ലാം വാങ്ങിക്കൊടുത്തു എന്നിട്ടാ ഇങ്ങനെ" ... പലമാതാപിതാക്കളും പറഞ്ഞുകേട്ടിട്ടുള്ള വാചകങ്ങളില്‍ ഒന്നു.. മാതാപിതാക്കളെല്ലാം അഭിമാനത്തോടെയാണു പറയുന്നതു, പക്ഷേ പലപ്പോഴും അവരുടെ അദ്ധ്വാനത്തിന്‍റെ ഫലം കിട്ടാതെ വരുമ്പോഴാണു ഇങ്ങനെ പറയുന്നതു എന്നുള്ളതാണു വാസ്തവം ​.. വളരെ അധികം അദ്ധ്വാനങ്ങള്‍ വ്യധാ പാഴായിപോയി എന്നുള്ളതാണു വാസ്തവം ... കുട്ടികള്‍ എല്ലാം അറിഞ്ഞു വളരണം എന്നാലേ യഥാര്‍ത്ത ഫലം ലഭിക്കൂ... ഒരിക്കലും എന്‍റെ മാതാപിതാക്കള്‍ എന്‍റെ അടുത്തു വന്നു നേരിട്ടു വന്നു പറഞ്ഞു തന്നിട്ടില്ല പക്ഷെ അവര്‍ അദ്ധ്വാനത്തിന്‍റെ വില എങ്ങനേയോ എന്നിലെത്തിച്ചിരുന്നു.. ഒരിക്കല്‍ എന്‍റെ ഒരു സുഹൃത്തു എന്‍റെ കയ്യില്‍ നിന്നും ഒരു രൂപ കടം വാങ്ങി... അടുത്ത ദിവസം തന്നെ ഞാന്‍ തിരിച്ചു ചോദിച്ചു ... പക്ഷെ ആദ്യം അദ്ദേഹം എന്നെ കളിയാക്കി .... സത്യം പറഞ്ഞാല്‍ കളിയാക്കല്‍ വിധത്തില്‍ അവന്‍ പറഞ്ഞതു തരാം എന്നാണു... പക്ഷെ പിന്നീടു വീണ്ടും ചോദിച്ചു കഴിഞ്ഞാണു ഞാന്‍ കാര്യമായിട്ടാണു ചോദിച്ചതെന്നും അവന്‍ തിരിച്ചു നല്‍കുകയും ചെയ്തു.. പക്ഷെ അവന്‍ പിന്നീടും ഇടക്കു കളിയാക്കിയപ്പോഴാണു എനിക്കു കാര്യം മനസ്സിലായതു.. ഞാന്‍ ആ ഒരു രൂപ തിരിച്ചു ചോദിച്ചതു അവന്‍ ഒരിക്കലും പ്രതീക്ഷിച്ചില്ല... അതിനകത്തുള്ള കാരണം വേറെ ഒന്നുമല്ല അവനെ സംബന്ധിച്ചു 1 രൂപ എന്നുള്ളതു ഒന്നുമല്ലായിരുന്നു... പക്ഷെ എന്നെ സംബന്ധിച്ചു ആ ഒരു രൂപയുടെ വില അവനു അറിയില്ലായിരുന്നു.. അതിനു അവനെ കുറ്റം പറയാനും പറ്റില്ല... കാരണം അവനറിയില്ലായിരുന്നു എന്‍റെ മാതാപിതാക്കള്‍ ഒരുപാടു അദ്ദ്വാനിച്ചിട്ടാ അതു ഉണ്ടാക്കുന്നേ എന്നു.... ഒരുപക്ഷേ ആ അനുഭവത്തിനുശേഷം പലര്‍ക്കും കൊടുത്താല്‍ തിരിച്ചു ചോദിക്കുന്ന പരിപാടി നിറുത്തി എന്നുള്ളതാണു സത്യം .. പക്ഷെ അതിന്‍റെ വില അറിയാഞ്ഞിട്ടല്ല എന്നുമാത്രം ... ഒരു രൂപ ഉണ്ടാക്കാന്‍ വേണ്ടി സാധാരണ ഒരാള്‍ എത്ര അദ്ധ്വാനിക്കണം എന്നെ അറിയിക്കാന്‍ എന്‍റെ മാതാപിതാക്കള്‍ക്കു കഴിഞ്ഞിരുന്നു .. ഒരുപക്ഷേ അതായിരുന്നു എനിക്കു പഠിക്കുവാനുള്ള പ്രചോധനവും ... അറിഞ്ഞു വളര്‍ന്നാലേ ഓരോ വ്യക്തിക്കും തന്‍റെ ആഗ്രഹങ്ങള്‍ക്കു പരിമിതിയിടാനും ലക്ഷ്യങ്ങളിലേക്കു ആവേശത്തോടെ നേടിയേടുക്കാനും പറ്റൂ.... ഒരു ദിവസത്തെ കൂലിക്കു വേണ്ടി തന്‍റെ മാതാപിതാക്കള്‍ എത്ര അധ്വാനിക്കുന്നുണ്ടു എന്നു അറിയാത്ത കുട്ടികള്‍ അതു ചിലവാക്കുമ്പോള്‍ കൂടുതല്‍ ആലോചിക്കാറില്ല... " അച്ഛന്‍ എന്തിനാ ഓഫീസില്‍ പോകുന്നേ ആ മഷീനില്(എ ടി എം ) പോയി എടുത്താല്‍ പോരെ എന്നു കൊച്ചു കുട്ടികള്‍ പോലും ചോദിക്കുന്ന കാലമാണു ഇതു...".. ഇന്നത്തെ മാതാപിതാക്കളില്‍ നല്ല ഒരു ശതമാനം ആള്‍ക്കാരും ഒരു കാര്യവുമില്ലാതെ കുട്ടികളുടെ കയ്യില്‍ പണം കൊടുത്തു വിടുന്ന ഒരു പ്രവണത ഉണ്ടു.. ഒരു പക്ഷേ കുറച്ചു സന്ദര്‍ഭങ്ങളിലെങ്കിലും കുട്ടികള്‍ ആ പണം കൊടുത്താണു ലഹരിപദാര്‍ത്ഥങ്ങളും മറ്റും വാങ്ങുന്നതു... വിദ്യാര്‍ത്ഥികള്‍ എല്ലാം ഒന്നും അറിയാതെ വളരുന്നതിനേക്കാള്‍ എത്രയോ നല്ലതാണു അറിഞ്ഞു വളരുന്നതു..

വീണ്ടും ഒരു തീവണ്ടി അല്ല കറന്‍റു വണ്ടി യാത്ര....

അങ്ങനെ പതിവുപോലെ വെള്ളിയാഴ്ച്ച എത്തി... ഐ ടി കാര്‍ക്കു എല്ലവര്‍ക്കും ഉള്ളപോലെ ഞാനും

സന്തോഷവാനായിരുന്നു ... ഇനി രണ്ടു ദിവസം കുശാലം ... പിന്നെ തിങ്കളാഴ്ച അതിന്‍റെ ഹാങ്ങോവര്‍... അങ്ങനെ

പോകുന്നു... വൈകിട്ടു ഇന്‍റര്‍സിറ്റിക്കു പോകാം എന്നു കരുതി ഇരിക്കുമ്പോഴാണു അന്നൊരു മീറ്റിങ്ങ്.. അതും കഴിഞ്ഞു ഒരു

വിധം ചാടി... കൊല്ലം വരെ ബസിനു പോന്നിട്ടു വേണം ബസില്‍ കയറാന്‍ ... അന്നു തന്നെ സഹമുറിയനും നാട്ടിലേക്കുണ്ടു..

പാവത്തിനു ഈ സൂപ്പര്‍ ഫാസ്റ്റിലെ ഇടി ഒന്നും കൊള്ളാന്‍ വയ്യാത്ത കാരണം അവന്‍ നേരെ തമ്പാനൂര്‍ പോയി കയറി... ആള്‍

സുമുഖനും സുന്ദരനും സര്‍വ്വോപരി സല്‍ഗുണ സമ്പന്നനുമായതു കൊണ്ടു റെയില്‍വേ സ്റ്റേഷനില്‍ വച്ചു തന്നെ കുറച്ചു

പിള്ളേരുടെ കൂടെ കൂടി... സത്യം ​പറഞ്ഞാ അവനു മറ്റൊരു ദുരുദ്ദേശവും ഇല്ലായിരുന്നു അവരുടെ പിറകേ കൂടിയ

മറ്റൊരുത്തന്‍റെ കയ്യില്‍ നിന്നും അവരെ രക്ഷിക്കുക എന്ന ധാര്‍മ്മിക ഉത്തരവാദിത്വം ഏറ്റെടുത്തു കൊണ്ടാണു അവര്‍

കയറിയ കമ്പാര്‍ട്ടുമെന്‍റില്‍ തന്നെ സീറ്റില്ലെങ്കിലും കയറാന്‍ തീരുമാനിച്ചതു...
അങ്ങനെ ഒടുവില്‍ കറന്‍റു വണ്ടി യാത്ര തുടങ്ങി... ഞാന്‍ കൊല്ലത്തിനുള്ള യാത്ര പകുതിയിലധികം പിന്നിട്ടിരുന്നു

അപ്പോഴേക്കും ... ഇടക്കു സീറ്റില്ല ഭയങ്കര തിരക്കാണു എന്നുള്ള അപ്ഡേറ്റും കിട്ടിക്കൊണ്ടിരുന്നു... ഒടുവില്‍ ഞാന്‍ കൊല്ലത്തു

എത്തി പ്ലാറ്റ്ഫോമില്‍ ഒക്കെ എത്തി കുറച്ചു കഴിഞ്ഞു.. ട്രയിന്‍ എത്തിച്ചേരും എന്നുള്ള നമ്മുടെ ചേച്ചിയുടെ

അനൌണ്‍സ്‌മെന്‍റും എത്തി... സത്യം പറയാമല്ലോ ഇന്നേവരെ ആ ട്രയിനില്‍ കൃത്യസമയത്തു ഞാന്‍ എന്‍റെ വീട്ടില്‍ വന്നു

ഇറങ്ങിയിട്ടില്ല 2.5 വര്‍ഷത്തെ യാത്രയില്‍ ... അത്രക്കു കൃത്യനിഷ്ടയാ... അപ്പോഴേക്കും സഹമുറിയനു ഒരു

ഇരിപ്പിടം ഒക്കെ കിട്ടി എന്നോടു കയറേണ്ട ബോഗിയും ഒക്കെ പറഞ്ഞു.. എനിക്കു വേണ്ടി ഒരു സീറ്റും പിടിച്ചു.. അങ്ങനെ കയറി

അവിടെ ചെന്നപ്പോള്‍ അതാ അവിടെ മറ്റോരുമാന്യന്‍ കയറി ഇരുപ്പുറപ്പിച്ചു... അദ്ദേഹം എന്തുചെയ്താലും മാറില്ല... ഞാന്‍

സുഹൃത്തിനോടു പറഞ്ഞു പോട്ടെ അങ്ങേരു അവിടെ ഇരുന്നോട്ടെ... അപ്പോഴും സുഹൃത്തു പറഞ്ഞു ഇരുന്നോട്ടെ എന്നാലും

മാന്യതക്കു ഒന്നു പറയാമല്ലോ??.. പാവം അവിടെ വരെ നിന്നു ക്ഷീണീച്ചതിന്‍റെ കലിപ്പായിരുന്നു...
അപ്പോഴേക്കും അതാ വരുന്നു മറ്റൊരുമാന്യന്‍ ഒരു കാര്യവുമില്ലാതെ ആ പ്രശ്നത്തില്‍ ഇടപെടാന്‍ .... സുഹൃത്തു മാന്യമായി

ആ പുള്ളിക്കരനോടു പറഞ്ഞു ഇതു നമ്മള്‍ തമ്മിലുള്ള പ്രശ്നമല്ലല്ലോ പിന്നെ എന്തിനാ ഇടങ്കോലിടുന്നേ... ഒടുവില്‍ ഞങ്ങള്‍

രണ്ടു പേരും കൂടി ഒരു സീറ്റില്‍ ഇരുന്നു... അപ്പോഴേക്കും മറ്റുള്ള കഥാപാത്രങ്ങള്‍ എല്ലാം യഥാസ്ഥാനങ്ങളില്‍ ഇടം

പിടിച്ചിട്ടുണ്ടായിരുന്നു.. ടെക്നോപാര്‍ക്കില്‍ തന്നെ ജോലി ചെയ്യുന്ന നാലു പെണ്‍കുട്ടികളും ഒരു ചേട്ടനും .. ഇതൊക്കെ കണ്ടു

കൊണ്ടു അവിടെ ഇരുന്ന ചേച്ചി പറഞ്ഞു മക്കളേ ഞങ്ങള്‍ ദാ അപ്പുറത്തു ഇറങ്ങും നിങ്ങള്‍ക്കു ഇവിടെ ഇരിക്കാം

എന്നു... ഉര്‍വ്വശീ ശാപം ഉപകാരമാകുക എന്നൊക്കെ പറഞ്ഞാല്‍ ഇതാണു.. അവര്‍ ഇരിക്കുന്നതു ആ പെണ്‍കുട്ടികളുടെ

ഒപ്പമാണു... അപ്പോഴേക്കും നമ്മുടെ സുഹൃത്തു പറഞ്ഞു അതെ നമ്മുക്കു അടുത്ത സ്റ്റോപ്പാവുമ്പോള്‍ അവിടെ ഇരിക്കാം ... :)
അങ്ങനെ സ്റ്റോപ്പെത്തി അവര്‍ ഇറങ്ങി.. മൊത്തത്തില്‍ ഒരു സീറ്റു അറേഞ്ചുമെന്‍റൊക്കെ അവിടെ നടന്നു... ഞാന്‍ മുന്‍പു

പറഞ്ഞ ആ ചേട്ടന്‍റേയും പെണ്‍കുട്ടികളുടേയും നടുക്കായി സുഹൃത്തു സ്ഥാനം ഉറപ്പിച്ചു... പെണ്‍കുട്ടികളൂടെ

അടുത്തിരിക്കാനുള്ള ചേട്ടന്‍റെ ശ്രമത്തെ മറികടന്നായിരുന്നു സുഹൃത്തിന്‍റെ ആ മനോഹരമായ അറ്റംപ്‌റ്റ്... ഇതിന്‍റെ

ഇടയില്‍ ഞാന്‍ ഇങ്ങേ അറ്റത്തായി പോയി.. ഒരുമിച്ചു ഇരിക്കാന്‍ പോയിട്ടു പലയിടത്തായി ഹഹ.. അങ്ങനെ ഞാന്‍ നമ്മുടെ

പാട്ടു യന്ത്രം ഒക്കെ എടുത്തു വച്ചു പതുക്കെ പാട്ടൊക്കെ കേട്ടിരുന്നു... പതുക്കെ സുഹൃത്തും പാട്ടു പെട്ടി ഒക്കെ

എടുത്തെങ്കിലും ഈ കുട്ടികളെ കുറിച്ചു ഒന്നും അറിയാന്‍ പാടില്ലതിരുന്നകാരണം ഒരു വൈക്ലമ്യം ആയിരുന്നു.. അങ്ങനെ

പതുക്കെ വിവരങ്ങള്‍ ഒക്കെ തിരക്കി മനസ്സിലാക്കി... പുതുതായി ചേര്‍ന്ന കുട്ടികളാണു.. അപ്പോഴെക്കു എന്‍റെ

അടുത്തിരുന്ന ചേട്ടന്‍ ഓരോന്നു പറഞ്ഞു ആകൂട്ടത്തിലാണു ആ കുട്ടിക്കു റൊമയുടെ മുഖഛായയാണു എന്നു പറഞ്ഞേ..

പിന്നെ ഇടക്കു കപ്പലണ്ടിക്കാരന്‍

ഒക്കെ വന്നപ്പോള്‍ സുഹൃത്തു ആദ്യം ഒന്നു തനിക്കു വേണ്ടിയും പിന്നെ ആ പെണ്‍കുട്ടികളുടെ അഭ്യര്‍ത്ഥന പ്രകാരം 4 എണ്ണം

അവര്‍ക്കും പറഞ്ഞു.. അപ്പോഴേക്കും ഒരു കുട്ടിക്കു വേണ്ടാതിരുന്ന കാരണം ഒരെണ്ണം തിരിച്ചും കൊടുത്തു...
സുഹൃത്തു ഓഫര്‍ ചെയ്യാമായിരുന്നു എന്നാണു കരുതിയതെങ്കിലും കുട്ടികള്‍ കാശെടുത്തു കൊടുക്കുകയും ചെയ്തു ... പിന്നെ

അവരുടെ മൂന്നെണ്ണത്തിന്‍റെ പൈസയുടെ കൂടെ സുഹൃത്തിന്‍റേയും കൊടുത്തതു അവരായിരുന്നു.. സുഹൃത്തിന്‍റേലാണേല്‍ 5 രൂപ

തിരിച്ചൊട്ടു കൊടുക്കാനും ഇല്ലാതായിരുന്നു.... ഇതിന്‍റെ ഇടക്കൊക്കെ നമ്മുടെ ചേട്ടന്‍ നല്ല കത്തിയായിരുന്നു..

അരെയൊക്കെയോ കാണാന്‍ പോയതാ.. അടുത്തദിവസം വീണ്ടും പോകണം എന്നൊക്കെ.. പിന്നീടു സുഹൃത്തു പറഞ്ഞപ്പോഴാണു

ചേട്ടന്‍ നല്ല തണ്ണിആയിരുന്നു എന്നു എനിക്കു മനസ്സിലായേ.. കാരണം ചേട്ടന്‍ എന്‍റെ അടുത്തു സംസാരിക്കുമ്പോള്‍ കൈ കൊണ്ടു

വായ് മറച്ചു വച്ചായിരുന്നു സംസാരം ... ഒടുവില്‍ ഞാന്‍ ഇറങ്ങേണ്ട സ്ഥലം ആയപ്പോള്‍ ഞാന്‍ ഇറങ്ങുകയും

ചെയ്തു.. പിന്നീടു സുഹൃത്തു എറണാകുളത്തു ഇറങ്ങി വിളിച്ചു കഴിഞ്ഞപ്പോഴാണു ആദ്യം പറഞ്ഞ സാഹചര്യം

ഒക്കെ മനസ്സിലായതു.. പാവം അവിടെ എത്തിയപ്പോഴേക്കും അവരെ എല്ലാവരേയും കൊണ്ടു പോകാന്‍ മാതാപിതാക്കള്‍

എത്തിയിരുന്നു അതോടെ സുഹൃത്തു പെരു വഴിയിലും ആയി... സുഹൃത്തു സ്വയം പറഞ്ഞു അല്ലേലും ഈ പെമ്പിള്ളേരെല്ലാം

ഇങ്ങനാ ഒരു ഉത്തരവാദിത്വം സ്വയം ഏറ്റെടുത്തു ഇവിടെ വരെ എത്തിച്ചു എന്നാ ഒരു ചോദ്യം , വെറുതേ ആണേലും

ഡ്രോപ്പു ചെയ്യണോ??...

ഹര്‍ത്താല്‍ ബഹുവിശേഷം ......

നമ്മുടെ സ്വന്തം അല്ല ദൈവത്തിന്‍റെ സ്വന്തം നാടു എന്നറിയപ്പെടുന്ന കേരളത്തിന്‍റെ പേരു ഉടന്‍ ഹര്‍ത്താല്‍ദേശം

എന്നാക്കണം എന്നു അഖില കേരള ഹര്‍ത്താല്‍ ഫാന്‍സു അസ്സോസ്സിയേഷന്‍ ആവശ്യപ്പെട്ടു.... പണ്ടു കേരം അതായതു

തേങ്ങയുടെ സ്വന്തം നാടായതു കൊണ്ടു കേരളം എന്നിട്ടെങ്കില്‍ ഇന്നു മണ്ടരി വന്നു തെങ്ങെല്ലാം നശിക്കുകയും

പൂര്‍വ്വാധികം ഭംഗിയായി പഞ്ചായത്തു തലം മുതല്‍ ദേശീയ തലം വരെയുള്ള ഹര്‍ത്താലുകള്‍ ആചരിക്കുകയും

ചെയ്യുന്ന അവസരത്തില്‍ നമ്മുടെ സംസ്ഥാനത്തിന്‍റെ പേരുമാറ്റം അത്യന്താപേക്ഷിതമാണെന്നും ഈ പേരുമാറ്റം ഉടന്‍

നടത്തിയില്ലെങ്കില്‍ അനിശ്ചിതകാല ഹര്‍ത്താല്‍ നടത്തും എന്നും അറിയിച്ചു... മാത്രമല്ല കേരളത്തിന്‍റെ

ദേശിയോത്സവമായി വളര്‍ന്നുകഴിഞ്ഞ ഹര്‍ത്താല്‍ നടത്തുന്നവര്‍ക്കു ഗ്രാറ്റുവിറ്റിയും അലവന്‍സും

ഏര്‍പ്പെടുത്തണമെന്നും ഹര്‍ത്താല്‍ ഫാന്‍സു അസ്സോസ്സിയേഷന്‍ സെക്രട്ടറി ആവശ്യപ്പെട്ടു... വളരെ പെട്ടെന്നു

പ്രഖ്യാപിക്കപ്പെടുന്ന ഹര്‍ത്താലുകള്‍ പോലും പൂര്‍വ്വാധികം ഭംഗിയായി നടത്തപ്പെടുന്ന ഹര്‍ത്താല്‍ അനുയായികളെ

സര്‍ക്കാര്‍ കണ്ടില്ല എന്നു നടിക്കുകയാണു... ഹര്‍ത്താല്‍ പ്രഖ്യാപിച്ചതറിയാതെ റെയില്‍വെ എയര്‍പോര്‍ട്ടു

എന്നിവിടങ്ങളില്‍ എത്തുന്നവരെ പരമാവധി ബുദ്ധിമുട്ടിക്കുന്നതിനായി ഈ സ്ഥലങ്ങളില്‍ പ്രത്യേക സ്ക്വാഡ്

രൂപീകരിക്കുന്നതിനെക്കുറിച്ചുള്ള ചര്‍ച്ച അന്തിമ ഘട്ടത്തിലാണു എന്നും സെക്രട്ടറി വാര്‍ത്താസമ്മേളനത്തില്‍

അറിയിച്ചു... അതുപോലെ തന്നെ ഹര്‍ത്താല്‍ ദിനത്തില്‍ ബസു കാര്‍ അതുപോലുള്ള വാഹനങ്ങളുടെ ചില്ലുകള്‍ എറിഞ്ഞു

പൊട്ടിക്കുന്നതിനും പ്രത്യേകരീതിയില്‍ തയാറാക്കിയ കല്ലുകള്‍ ഇറക്കുന്നതിനെക്കുറിച്ചും ചര്‍ച്ചകള്‍

നടക്കുന്നതായിട്ടാണു അറിവു.... കേരളത്തില്‍ 2 അല്ല ആഴ്ച്ചയില്‍ 5 ഹര്‍ത്താല്‍ നടത്തിയാലും തെറ്റില്ല കാരണം

ഹര്‍ത്താല്‍ എന്നുള്ളതു കേരളം പോലെ അപൂര്‍വ്വസംസ്ഥാനങ്ങളില്‍ ആചരിക്കപ്പെടുന്ന ആഘോഷം ആണല്ലോ??... ഇനിയുള്ള

ഹര്‍ത്താല്‍ ദിനങ്ങളില്‍ വായിക്കുവാനുള്ള ഹര്‍ത്താല്‍ പ്രതിജ്ഞയും സെക്രട്ടറി പത്ര സമ്മേളനത്തില്‍

പുറത്തിറക്കി....
"ഹര്‍ത്താല്‍ എന്‍റെ ജന്മാവകാശമാണു... ഹര്‍ത്താല്‍ ദിനങ്ങളില്‍ യഥേഷ്ടം യാത്ര ചെയ്യാനുള്ള അധികാരം

ഞങ്ങളില്‍ മാത്രം നിക്ഷിപ്തമായിരിക്കും ... അതു വകവയ്ക്കാതെ റോഡില്‍ വണ്ടിയുമായി ഇറങ്ങുന്നവരെ ഞങ്ങള്‍

കല്ലുകൊണ്ടു

നേരിടും ... പിന്നെ ഈ നടത്തപ്പെടുന്ന കാര്യം അതെന്തായാലും നടപ്പില്‍ വരുമോ എന്നു ആലോചിക്കേണ്ട കടമ പോലും

ഞങ്ങള്‍ക്കില്ല... ഹര്‍ത്താല്‍ ദിനത്തില്‍ പണിയേടുക്കാന്‍ പറ്റാത്തതു കൊണ്ടു പട്ടിണികിടക്കുകയോ

അത്യാസന്നനിലയിലായി ഹോസ്പിറ്റലില്‍ പോകാന്‍ പറ്റാതെ വരുകയോ കല്ല്യാണം നിശ്ചയിച്ചു ബന്ധുക്കള്‍ക്കെല്ലാം

പങ്കെടുക്കാന്‍ പറ്റാതെ വരുകയോ മരണം നടന്ന സ്ഥലത്തേക്കു ബന്ധുക്കള്‍ക്കു എത്തിച്ചേരാന്‍ പറ്റതെ വരുകയോ ഇനി

ഇന്‍റെര്‍വ്യൂ ടെസ്റ്റ് എന്നിവ വച്ചിട്ടു അതിനു എത്തിച്ചേരാന്‍ പറ്റാതെ വരുകയോ അതുപോലെ മുന്‍കൂട്ടി നിശ്ചയിച്ചു പണവും

മുട്ടക്കി ബുദ്ധിമുട്ടുകയും ചെയ്തിട്ടുണ്ടെങ്കില്‍ അതു അവന്‍റെ മാത്രം കുറ്റമായിരിക്കും .... നിങ്ങളാരും ഒന്നു

മറക്കരുതു നിങ്ങള്‍ക്കു മുകളില്‍ പറഞ്ഞ എന്തെങ്കിലും ബുദ്ധിമുട്ടു ഉണ്ടാവുകയാണെങ്കില്‍ അതിന്‍റെ ഉത്തരവാദിത്വം

നിങ്ങള്‍ക്കായിരിക്കും എന്നുപറഞ്ഞതു മറ്റൊരു തെറ്റും കൊണ്ടല്ല നിങ്ങള്‍ കേരളത്തില്‍ ജനിച്ചു അല്ല എങ്കില്‍

കേരളത്തില്‍ ജീവിക്കുന്നു എന്നുള്ളറ്റ് ആ തെറ്റു കൊണ്ടു മാത്രമാണു"

ലംഘിക്കപ്പെടാന്‍ ഒരു നീയമം കൂടി....

കഴിഞ്ഞ ദിവസം ഒരു വിധി കൂടി വന്നു.. പൊതു സ്ഥലങ്ങളില്‍ റാലികളും സമ്മേളനങ്ങളും പാടില്ല... പൊതുജനം രണ്ടു കയ്യും നീട്ടി സ്വാഗതം ചെയ്യും ... പക്ഷെ എന്തുകാര്യം ഇതുപോലുള്ള എത്രയോ നീയമങ്ങള്‍ നമ്മുടെ നാട്ടിലുണ്ടു അതില്‍ ഒന്നു കൂടി എന്നു മാത്രം .. പിന്നെ ഭരിക്കുന്ന പാര്‍ട്ടിക്കു വേണേല്‍ പ്രതിപക്ഷത്തിന്‍റെ കഴുത്തേല്‍ കയറാന്‍ ഒരു വടിയാക്കാം എന്നു മാത്രം ... പിന്നെ ഇവര്‍ പൊതു സ്ഥലത്തല്ലാതെ ഏതേലും സമ്മേളനം നടത്തിയാല്‍ ആരെങ്കിലും ഉണ്ടാവുമോ??... ഇന്നും ബസിലൊക്കെ പോകുമ്പോള്‍ കാണാറില്ലേ ആരും ഇല്ലാതെ മൈക്കു മാത്രമായി പ്രസംഗിക്കുന്ന എത്രയോ ആള്‍ക്കാരെ കവലകളില്‍ ??.. അവര്‍ പൊതു സ്ഥലങ്ങളിലല്ലാതെ ഏതേലും കടപ്പുറത്തോ വല്ലതും പോയി പ്രസംഗിച്ചാല്‍ എന്തുപറ്റും എന്നു ആരോടും പറയേണ്ടല്ലോ??... ചിലപ്പോള്‍ കടല്‍ ക്ഷോഭവും സുനാമിയും ഒക്കെ ഒരു ഭൂകമ്പവും ഒന്നും ഇല്ലാതെ തന്നെ വരും ഇവരുടെ പ്രസംഗം കേട്ടാല്‍ .. പിന്നെ ഈ പറയുന്ന രാഷ്ട്രീയക്കാര്‍ ഒന്നു മനസ്സിലാക്കിയാല്‍ കൊള്ളാം നിങ്ങള്‍ കൊടിവച്ച കാറില്‍ തീരെ സമയം ഇല്ലാതെ 100-150 കിലോമീറ്ററില്‍ പായുമ്പോള്‍ പാവം ജനം ഇതുപോലുള്ള സമ്മേളനങ്ങളും റാലികളും ഉണ്ടാക്കുന്ന ട്രാഫിക്കില്‍ കിടക്കുന്നതു സ്ഥിരം സംഭവമാണു... ഈ പറയുന്ന ജനം എന്ന കഴുതയുടേയും സമയത്തിനു വിലയുള്ളതാണു... വയ്യാതായ ജനത്തിനെ ആശുപത്രിയിലേക്കു കൊണ്ടുപോകുന്ന വഴിയും , രാവന്ത്യോളം പണിയെടുത്തു വീട്ടിലെത്താന്‍ പാടുപെടുമ്പോഴും , പിന്നെ നമ്മുടെ റോഡിന്‍റെ ഇന്നത്തെ അവസ്ഥയില്‍ പ്രതീക്ഷിച്ച സമയത്തു എത്താന്‍ കഴിയാത്തതിന്‍റെ ഇടക്കും ഇവരുടെ ഈ കോപ്രായങ്ങള്‍ കാണുമ്പോള്‍ പല പൊതു ജനത്തിനും പ്രതികരിക്കണം എന്നുണ്ടു .. പക്ഷെ അവര്‍ കൂട്ടമായി പ്രതികരിച്ചു തുടങ്ങിയിട്ടില്ല അത്ര മാത്രം ... കൂട്ടമായി പ്രതികരിച്ചു തുടങ്ങിയാല്‍ ഈ പറഞ്ഞ ആള്‍ക്കാര്‍ തോറ്റുപോകും അതിനു ഒരുപാടു ഉദാഹരണങ്ങള്‍ ഇപ്പോള്‍ തന്നെ ഉണ്ടു.... ഇന്നും എല്ലാ ഹര്‍ത്താലുകള്‍ക്കും സാധാരണ ദിവസം പോലെ കടന്നു പോകുന്ന ഒരു സ്ഥലം നമ്മുടെ കേരളത്തില്‍ ഉണ്ടു(ക്ഷമിക്കണം പേരു മറന്നു പോയി)... എന്തിനു ഇന്നലെ നടന്ന ഹര്‍ത്താലില്‍ കോഴിക്കോട്ടെ ജനങ്ങള്‍ കൂട്ടമായി പ്രതികരിച്ചപ്പോള്‍ കെ എസ് ആര്‍ ടി സി സര്‍വീസു നടത്താന്‍ തയ്യാറായില്ലേ??...

വിദ്യാര്‍ത്ഥികളുടെ കണ്‍സെഷന്‍ കാര്യത്തിലെ ഇരട്ടത്താപ്പു.....

വിദ്യാര്‍ത്ഥികളുടെ കാര്യത്തില്‍ നമ്മുടെ സര്‍ക്കാരും കെ എസ് ആര്‍ ടി സി യും കാണിക്കുന്നതു ഇരട്ടത്താപ്പാണു.... എല്ലായിടത്തും സ്വകാര്യ ബസില്‍ കണ്‍സെഷന്‍ അനുവദിക്കണം എന്നു പറയുന്ന സര്‍ക്കാര്‍ കെ എസ് ആര്‍ ടി സിയിലും എല്ലായിടത്തും കണ്‍സെഷന്‍ കൊടുക്കാന്‍ തയ്യാറാവണം ... ഇന്നും കേരളത്തിലെ കുറേയധികം സ്ഥലങ്ങളില്‍ കെ എസ് ആര്‍ ടി സി യില്‍ കണ്‍സെഷന്‍ ഇല്ല സ്വകാര്യ ബസില്‍ മാത്രമേ അത്തരം സ്ഥലങ്ങളില്‍ കണ്‍സെഷന്‍ ഉള്ളൂ... അവിടെ എന്തിനു സ്വകാര്യ ബസുകളെ മാത്രം ആശ്രയിക്കേണ്ട അവസ്ഥ വരുത്തണം .... വിദ്യാര്‍ത്ഥികള്‍ക്കു കെ എസ് ആര്‍ ടി സി ആണു താല്പര്യം എങ്കില്‍ അതിനു വേണ്ട നടപടി സ്വീകരിക്കണം .. മാത്രമല്ല സ്വകാര്യ ബസുകാര്‍ക്കു കേവലം അന്നന്നത്തെ തുക മാത്രം കൊടുക്കുമ്പോള്‍ കെ എസ് ആര്‍ ടി സി വാങ്ങുന്നതു എത്ര പ്രവര്‍ത്തി ദിവസം ഉണ്ടോ അത്രയും ദിവസത്തെ തുക ആണു.. വിദ്യാര്‍ത്ഥി യാത്ര ചെയ്താലും ഇല്ലെങ്കിലും .... പിന്നെ സ്വകാര്യ ബസുകാരുടെ കാര്യം ചില സ്ഥലങ്ങളില്‍ സ്വാധീനം ഉപയോഗിച്ചു അവര്‍ ലിമിറ്റെഡ് സ്റ്റോപ്പു ബസുകള്‍ ഫാസ്റ്റുപാസെഞ്ചറാക്കും പിന്നെ കണ്‍സെഷന്‍ കൊടുക്കേണ്ടല്ലോ??... പ്രൈവറ്റ് ഫാസ്റ്റ് പാസെഞ്ചറുകളുടെ ആവശ്യകത എത്ര കണ്ടു നമ്മുടെ നാട്ടിലുണ്ടു എന്നു നാം ആളൊചിക്കേണ്ടിയിരിക്കുന്നു... മാത്രമല്ല ഇതു നീയന്ത്രിച്ചില്ല എങ്കില്‍ നാളെ ഒരു ദിവസം ഇവിടുത്തെ സ്വകാര്യ ബസുകളെല്ലാം ഫാസ്റ്റു പാസെഞ്ചര്‍ ആയേക്കാം .. കാരണം ഈ സ്വകാര്യ ബസുകാര്‍ക്കു സ്കൂള്‍ വിദ്യാര്‍ത്ഥികള്‍ കാണുക എന്നാല്‍ അത്ര വെറുപ്പു വേറേ ഇല്ല... ഇനിയൊന്നു കൂടി ഈ കണ്‍സെഷനും പരിഷ്കരിക്കേണ്ടതൊക്കെ തന്നെയാണു... ഇന്നും പത്തു പതിനഞ്ചു വര്‍ഷം മുന്‍പുള്ള അതേ നിരക്കില്‍ കൊടുക്കുന്നതില്‍ എന്താ അര്‍ത്ഥമുള്ളേ??... ഇന്നു വിദ്യാര്‍ത്ഥികള്‍ എത്ര രൂപയാണു ഫോണിനും അതുപോലുള്ള ഒരു ആവശ്യവും ഇല്ലാത്ത കാര്യങ്ങള്‍ക്കു വേണ്ടി ചിലവാക്കുന്നേ??...
ഒരു പരിധി വരെ ഈ നിരക്കു വര്‍ദ്ധിപ്പിക്കാത്തതു തന്നെ അല്ലേ ഈ സ്വകാര്യ ബസുകാര്‍ വിദ്യാര്‍ത്ഥികളോടു കാണിക്കുന്ന ക്രൂരതക്കു അടിസ്ഥാനം ... അതു മാറ്റാന്‍ മാത്രമല്ല യാഥാര്‍ത്യങ്ങള്‍ മനസ്സിലാക്കി മിതമായ നിരക്കില്‍ വര്‍ദ്ധിപ്പിക്കേണ്ടതു ആവശ്യം തന്നെ ആണു ....

ഇതു ജനങ്ങളോടുള്ള വഞ്ചന.............

അത്യാവശ്യം ഭൂരിപക്ഷം കൊടുത്തു ജയിപ്പിച്ച ജനങ്ങളോടുള്ള കടമ നമ്മുടെ കേന്ദ്ര സര്‍ക്കാര്‍ നിര്‍വഹിച്ചു... പെട്രോളിയം ഉത്പന്നങ്ങളുടെ വില ആദ്യം ബജറ്റില്‍ കൂട്ടി പിന്നെ ദാ വിലക്കയറ്റത്തിന്‍റെ കൂടെ ഇരുട്ടടി കൊടുത്തു ഒരു വിലക്കയറ്റം കൂടി... പിന്നേയും തീര്‍ന്നില്ല വില നീയന്ത്രണം സര്‍ക്കാരില്‍ നിന്നും എടുത്തു കളഞ്ഞു അതും കൊടുത്തു നമ്മുടെ സ്വകാര്യ കമ്പനികള്‍ക്കു... അന്താരാഷ്ട്ര വിപണിയിലെ വിലക്കനുസരിച്ചു വില വര്‍ദ്ധിപ്പിക്കാം .. ഇനി ഇരുട്ടടികള്‍ എപ്പോള്‍ വേണമെങ്കിലും സംഭവിക്കാം ... അങ്ങനെ ആണെങ്കില്‍ ഈ പറഞ്ഞ സര്‍ക്കാര്‍ ഈ ഉത്പന്നങ്ങളുടെ മുകളില്‍ ഏര്‍പ്പെടുത്തിയിരിക്കുന്ന നികുതി എടുത്തു കളയാന്‍ തയ്യാറാവുമോ??... പോട്ടെ കുറച്ചു കുറക്കാന്‍ പറ്റുമോ??... പെട്രോള്‍ ഡീസല്‍ ഉത്പന്നങ്ങളുടെ വിലയില്‍ ഉണ്ടാവുന്ന വര്‍ദ്ധന സാധാരണക്കാരിലേക്കു വളരെ പെട്ടെന്നു എത്തുമറിയാവായിരുന്നിട്ടും എന്തിനീ തീരുമാനം ... ജനങ്ങളോടുള്ള വെല്ലുവിളിയാണോ??.... വിലവര്‍ദ്ധന പ്രഖ്യാപിച്ചു കഴിഞ്ഞിട്ടുള്ള നാടകങ്ങള്‍ വേറേയും ... ഉടന്‍ തിരഞ്ഞെടുപ്പു നടക്കുന്ന സംസ്ഥാനങ്ങളിലെ കക്ഷികളുടെ ഒരോ പ്രസ്ഥാവനകള്‍... ഈ വിലക്കയറ്റം ഒഴിവാക്കാമായിരുന്നു, ഇതിനെതിരെ സമരം നടത്തും , സംസ്ഥാന സര്‍ക്കാര്‍ നികുതി വേണ്ട എന്നു വയ്ക്കട്ടേ തുടങ്ങിയ പതിവു പ്രസ്ഥാവനകള്‍.... തങ്ങള്‍ കൂട്ടാനുള്ളതു കൂട്ടിയിട്ടു സംസ്ഥാന സര്‍ക്കാരുകളോടു കുറക്കാന്‍ പറയുന്നതിലെ ഔചിത്യം എന്താണു.... ഇനി തിരിച്ചു സംസ്ഥാന സര്‍ക്കാരുകളുടെ പ്രതികരണമോ നിങ്ങള്‍ കൂട്ടിയില്ലേ പിന്നെ ഞങ്ങള്‍ക്കു ആയാല്‍ എന്താ പുളിക്കുമോ??... ഞങ്ങള്‍ക്കു കിട്ടുന്നതു ഞങ്ങള്‍ വേണ്ട എന്നു വയ്കില്ല ങാഹാ... എന്നിട്ടും തീര്‍ന്നില്ല എന്തായാലും വിലകൂട്ടിയതല്ലേ നാളെ ജനങ്ങളെ ഒന്നു ബുദ്ധിമുട്ടിച്ചേക്കാം ... നാളെ ആരും പുറത്തിറങ്ങേണ്ട നിങ്ങള്‍ വീട്ടിലിരുന്നോളൂ... ഇതിനു മുന്‍പും ഈ പേരില്‍ ഹര്‍ത്താല്‍ നടത്തിയിരുന്നല്ലോ എന്നിട്ടു എന്തു നേടി... പാവം ജനം കിട്ടിയപ്പോള്‍ എല്ലാവരുടെ അടുത്തു നിന്നും കിട്ടിയല്ലോ???.. ഇതൊന്നും കൊണ്ടു തീരാന്‍ പോകുന്നില്ല ... ജനം ഇനിയും മേടിച്ചു കൂട്ടാന്‍ ഇരിക്കുന്നതേ ഉള്ളൂ.. ബസു സമരം , മോട്ടോര്‍ വാഹന പണിമുടക്കു, പിന്നെ ഇപ്പോള്‍ കൂടിയതിനേക്കാള്‍ ഇനിയും വില കൂടിയാല്‍ എന്തെല്ലാം സമരങ്ങള്‍ കാണേണ്ടി വരുമോ ആവോ??.... വോട്ടുനേടാന്‍ വരുമ്പോള്‍ ഇവര്‍ നല്കുന്ന പാഴ്വാഗ്ദാനങ്ങള്‍ എന്നാണാവോ ജനങ്ങള്‍ക്കു മനസ്സിലാക്കാന്‍ കഴിയുന്നതു....

മാലിന്യം വലിച്ചെറിയുന്ന മലയാളി....

മലയാളികളെക്കുറിച്ചു എന്നും അഭിമാനിക്കാവുന്ന കാര്യമാണു മലയാളിയുടെ വൃത്തി എന്നുള്ളതു മറ്റുള്ള സംസ്ഥാനക്കാര്‍ വല്ലപ്പോഴും കുളിക്കുമ്പോള്‍ മലയാളി എന്നും കുളിക്കും പറ്റുമെങ്കില്‍ 2 നേരം .. അതു പോലെ തന്നെ എന്നു പറയാം താമസിക്കുന്ന സ്ഥലവും .. ഒരു പക്ഷെ നമ്മള്‍ അയല്‍ സംസ്ഥാനങ്ങളില്‍ പോവുകയാണെങ്കില്‍ അതിന്‍റെ വ്യത്യാസം മനസ്സിലാകും ... പക്ഷെ നമ്മള്‍ മലയാളികള്‍ ഈയിടെ ആയി എന്നു പറഞ്ഞുകൂടാ കുറച്ചു അധികം നാളായി പ്രത്യേകിച്ചും നഗര പ്രദേശങ്ങളില്‍ താമസിക്കുന്നവര്‍ ഭക്ഷണത്തിന്‍റെ വേസ്റ്റും എല്ലാം നിക്ഷേപിക്കുന്നതു പൊതു സ്ഥലത്താണു... എന്നും വൈകുന്നേരം ആകുമ്പോള്‍ ഇറങ്ങും കിറ്റും ഒക്കെ തൂക്കി പിടിച്ചു കൊണ്ടു എന്നിട്ടു ആരും കാണാത്തമട്ടില്‍ ഒറ്റ എറിയാണു.. ഇതു മാറിയില്ലെങ്കില്‍ എന്നും പകര്‍ച്ചവ്യാധികള്‍ പകര്‍ന്നു പിടിക്കുന്ന കേരളത്തില്‍ അതിന്‍റെ ദൂഷ്യഫലങ്ങളും കൂടും ... പണ്ടു കാലങ്ങളില്‍ എല്ലാവീടുകളിലും കക്കൂസു ഇല്ലായിരുന്നു.. സര്‍ക്കാറിന്‍റേയും ജനങ്ങളുടേയും ശ്രമഫലം കൊണ്ടു ഇന്നു അതു ഒരു പരിധിവരെ മാറി.... അതുപ്പൊലെ തന്നെ ആവണം മാലിന്യ പ്ലാന്‍റിന്‍റേയും കാര്യത്തില്‍ ചെയ്യേണ്ടതു... ഒരു വീട്ടില്‍ ഒന്നു എന്നുള്ളതു നിറവേറ്റാന്‍ ബുദ്ധിമുട്ടാണെങ്കില്‍ ഓരോ പ്രദേശങ്ങളും കേന്ദ്രീകരിച്ചു നടപ്പാക്കണം ... ഫ്ലാറ്റുകളിലും അപ്പാര്‍ട്ടുമെന്‍റുകളിലും മാലിന്യ സംസ്കരണ പ്ലാന്‍റു നിര്‍ബന്ധമാക്കണം ... വൈകുംതോറും നമ്മുക്കു നഷ്ടമാകുന്നതു നമ്മുടേ പ്രകൃതിയും ജലശ്രോതസ്സുകളും നേടിയേടുക്കുന്നതു മാറാവ്യാധികളും ആയിരിക്കും എന്നോര്‍ത്താല്‍ നല്ലതു...

ഇന്ത്യയിലെ ആ ലോകകപ്പു ഒരു ഓര്‍മ്മ... 96 World Cup...

ഇതാ വീണ്ടും എത്തുന്നു ഇന്ത്യയിലേക്കു ഒരു ലോകകപ്പു കൂടി.. ഒരു ക്രിക്കറ്റ് മാമാങ്കം കൂടി.. ഒരു പക്ഷെ ഇന്ത്യയുടെ 20-20 തോല്‍വികാരണം ആര്‍ക്കും അത്ര താല്പര്യം കാണില്ല.. പതുക്കെ മാറി വരണം .. അങ്ങനെയിരിക്കെ യാദൃശ്ചികമായിട്ടാണു ആ 1996 ലെ ലോകകപ്പിനെ കുറിച്ചു ഓര്‍ത്തതു... അന്നു ഒരു പക്ഷെ ക്രിക്കറ്റിനോടു ഇത്രക്കു ആഭിമുഖ്യം ജനങ്ങള്‍ക്കു ഉണ്ടായിരുന്നോ എന്നെനിക്കറിയില്ല.. ടി വി യും മാദ്യമങ്ങളും ഇല്ലാതിരുന്ന കാരണം ആയിരിക്കാം വളരെ കുറച്ചല്ലേ പ്രചാരം ഉണ്ടായിരുന്നുള്ളു... പിന്നെ ആകെയുള്ള ദൂരദര്‍ശനില്‍ അപൂര്‍വ്വമായി മാത്രം കാണുന്ന ഒരു സംഭവമായിരുന്നല്ലോ അതു... ഇന്നും ഇന്ത്യാക്കാരാരും മറക്കാത്ത ഒട്ടനവധി മുഹൂര്‍ത്തങ്ങള്‍ ഉണ്ടായിരുന്നു ആ ലോകകപ്പിനു അതിലെ പ്രധാനം കരഞ്ഞു കൊണ്ടു കളം വിട്ട ആ കളിക്കാരനായിരുന്നു ഒന്നു.. മറ്റാരുമല്ല വിനോദു കാംബ്ലി... അതിലും കൂടുതല്‍ ഓര്‍ക്കുന്ന ഒന്നായിരുന്നല്ലോ പാകിസ്താന്‍റെ അമീര്‍ സുഹൈലിനെ പുറത്താക്കിയ നമ്മുടെ വെങ്കിടേഷു പ്രസാദിനെ... ഹും ഇന്ത്യയ്ക്കെതിരെ ജയസൂര്യയും കലുവിതരണയും ഒക്കെ പുറത്തായിട്ടും ആ ചില്ലില്ലാത്ത എക്സ്ട്രാ ചെവി ഉള്ള ഹെല്‍മെറ്റു വയ്ക്കുന്ന ആ പുള്ളിക്കാരനേയും ആരും മറക്കില്ല.. ശ്രീലങ്കക്കാരുടെ സ്വന്തം അരവിന്ദ് ജിയെ... സെമിയിലും പിന്നെ ഫൈനലിലും ഒരുപോലെ ഒരു ടീമിനെ ജയിപ്പിച്ചിട്ടുള്ള വേറേ എതു കളിക്കാരനാ ക്രിക്കറ്റില്‍ ഉണ്ടായിട്ടുള്ളേ??... അതു മുട്ടു വീരന്മാരുടെ കാലമായിരുന്നല്ലോ 15 ഓവര്‍ എല്ലാവരേയും ചുറ്റും നിറുത്തിയാലും ഉയര്‍ത്തിയടിക്കാത്ത കാലം ​.. ഒടുവില്‍ എല്ലാത്തിനും അറുതി വരുത്തി ജയസുര്യ എന്ന ഒരു സാധാരണ ബൌളറും അതു പോലെ തന്നെ ഉണ്ടായിരുന്ന കലുവിതരണ എന്ന വിക്കറ്റ് കീപ്പറും പുതിയ മാനം അല്ലേ നല്‍കിയതു... ഇതിനെല്ലാം കാരണഭൂതനായ അവരുടെ കോച്ചിനേയും ആരും മറക്കില്ല...

ഡല്‍ഹി റെയില്‍വേ സ്റ്റേഷനിലെ തിക്കിലും തിരക്കിലും പെട്ടു 2 മരണം ...

ഡല്‍ഹി സ്റ്റേഷനിലെ അപകടം വീണ്ടും വിരല്‍ ചൂണ്ടുന്നതു അതേ കാര്യത്തിലേക്കു തന്നെ മനുഷ്യന്‍റെ ജീവനു കൊടുക്കുന്ന

വിലയും പരിഗണനയും വളരെ കുറവാണു എന്നു തന്നെ... നമ്മുടെ രാജ്യത്തു തിക്കിലും തിരക്കിലും പെട്ടു ഇതുവരെ

മരണം നടന്നുകൊണ്ടിരുന്നതു ഉത്തരേന്ത്യയിലെ ക്ഷേത്രങ്ങളിലായിരുന്നു.. അങ്ങനെ ഒടുവില്‍ റെയില്‍വേ സ്റ്റേഷനിലും

സംഭവിച്ചു... ഒന്നു കൂടി ഓര്‍ത്താല്‍ നല്ലതു മിക്കവാറും ഉള്ള ഉത്സവ സീസണുകളില്‍ നമ്മുടെ രാജ്യത്തെ

ട്രയിനിനകത്തെ അവസ്തയും ഇതു തന്നെ ആണു... പലപ്പോഴും നമ്മുടെ വേണ്ടപ്പെട്ട ഉദ്യോഗസ്തര്‍ അതു അത്ര

കാര്യമാക്കാറില്ല എന്നു മാത്രം ... എല്ലാവട്ടവും ഒരുപോലെ ഇരിക്കില്ലല്ലോ.. അതിന്‍റെ ഉദാഹരണമാണു ഇന്നു ഡല്‍ഹിയില്‍

സംഭവിച്ചതു... ഞാന്‍ സ്ഥിരം യാത്ര ചെയ്യാറുണ്ടായിരുന്ന ആലപ്പുഴ ഏര്‍ണാകുളം പാസഞ്ചര്‍ ട്രയിനിലെ

ദിവസേനയുള്ള തിരക്കും സമാനമാണു.. ഇതൊന്നും ആരും കാണാഞ്ഞിട്ടല്ല എന്നെങ്കിലും ഒരു ദുരന്തം ഉണ്ടാവുമ്പോള്‍

മാത്രമേ മാധ്യമങ്ങളും ഉദ്യോഗസ്തരും ജനപ്രതിനിധികളും അതേകുറിച്ചു ശ്രദ്ധിക്കൂ എന്നുള്ളതാണു വാസ്തവം

... എത്രയെത്ര ദുരന്തങ്ങള്‍ നമ്മള്‍ കണ്ടു... കേരളത്തില്‍ ഉണ്ടായ ദുരന്തങ്ങള്‍ മാത്രം എടുത്താല്‍ മതി നാം

എത്രത്തോളം ദുരന്തനിവാരണത്തിനു അഥവാ മനുഷ്യ ജീവനു വില കല്പിക്കുന്നുണ്ടു എന്നു മനസ്സിലാക്കാന്‍ ....
കേരളത്തില്‍ ബോട്ടു ദുരന്തങ്ങള്‍ എത്രയെണ്ണമുണ്ടായി എന്നിട്ടും ഇപ്പോഴും എല്ലാ ബോട്ടുകളിലും വേണ്ടത്ര സുരക്ഷ

ഉണ്ടോ??... എന്തായി തേക്കടി ദുരന്തത്തിന്‍റെ റിപ്പോര്‍ട്ടു??.. കരുനാഗപ്പള്ളിയിലും നമ്മള്‍ കണ്ടു .. ഇന്നും

മനസ്സിലാകാത്ത ഒന്നായിരുന്നു അന്നു കേട്ട വാര്‍ത്ത ഗ്യാസു മുഴുവന്‍ കത്തി തീരുകയേ മാര്‍ഗ്ഗമുള്ളു അണയ്കാനുള്ള

സംവിധാനം കേരളത്തില്‍ ഇല്ല... അങ്ങനെയെങ്കില്‍ നല്ല ജനവാസ സ്ഥലങ്ങളില്‍ ഈ ദുരന്തം

ആവര്‍ത്തിക്കപ്പെട്ടാല്‍ നമ്മള്‍ എന്തു മുന്‍കരുതലുകളാണു എടുത്തിട്ടുള്ളതു.. കോട്ടയത്തു ബസു വെള്ളത്തില്‍ വീണപ്പോള്‍

രക്ഷിക്കാന്‍ എത്തിയ നാവിക സേനക്കു ഇറങ്ങാന്‍ സ്ഥലമില്ലായിരുന്നു.. ഇതിനൊക്കെ നമ്മള്‍ പോം വഴി കണ്ടു

പിടിച്ചോ??.. എമര്‍ജന്‍സി എക്സിറ്റ് എന്നും പറഞ്ഞു നമ്മുടെ ബസുകളില്‍ ഏര്‍പ്പെടുത്തിയ ആ വാതില്‍ ഇന്നു എത്ര ബസ്സുകളില്‍

കാണാന്‍ കഴിയും .. ഇനിയും നമ്മള്‍ ചിന്തിക്കേണ്ടിയിരിക്കുന്നു മാറേണ്ടിയിരിക്കുന്നു.. ഇതിനെല്ലാം ഉത്തരവാദി നമ്മള്‍

ജനങ്ങള്‍ തന്നെ നമ്മള്‍ വിചാരിക്കണം എന്നാലേ ഇതെല്ലാം നേരേയാവൂ.. സ്വന്തം കൈ പൊള്ളിയിട്ടു തീ അണക്കാന്‍

ഇരുന്നാല്‍ ചിലപ്പോള്‍ സമയം കിട്ടി എന്നു വരില്ല.... കൂട്ടായി പ്രവര്‍ത്തിച്ചാല്‍ നേടിയെടുക്കാന്‍ പറ്റാത്തതായി ഒന്നും

ഇല്ല.. തീര്‍ച്ചയായിട്ടും ചില നടപടികള്‍ നമ്മുടെ സര്‍ക്കാരിന്‍റെ അല്ല എങ്കില്‍ നമ്മുടെ ഉദ്യോഗസ്തരുടെ ഭാഗത്തുനിന്നുണ്ടായിട്ടുള്ളതു സ്വാഗതം ചെയ്യേണ്ടതാണു.. അതിലൊന്നാണു ഞാന്‍ മുന്‍പൊരിക്കല്‍ എഴുതിയ ചുക്കു കാപ്പി വിതരണം .. ശരിക്കും ഞങ്ങള്‍ ഒരു ടൂര്‍ ഒക്കെ പോയി വന്നപ്പോള്‍ അതിന്‍റെ ഗുണം അറിഞ്ഞു.. ശരിക്കും ഞങ്ങളുടെ വണ്ടിയുടെ ഡ്രൈവര്‍ ഉറങ്ങി ഉറങ്ങി ആയിരുന്നു ഓടിച്ചിരുന്നേ.. അതു കുടിച്ചു കഴിഞ്ഞു കുറച്ചു കുറവു കിട്ടി.. അതു പോലെ തന്നെ തുടര്‍ച്ചയായി അപകടം നടക്കുന്ന സ്ഥലത്തെ റോഡു നവീകരിക്കാനുള്ള പദ്ധതിയും നടപ്പാക്കിയാല്‍ വളരെ നല്ലതു....