ഇന്നലെ(14-04-2010) എന്തോ ജാഥയുടെ പേരിലാണെന്നാ പറഞ്ഞേ തിരുവനന്തപുരം ആലപ്പുഴ ഹൈവേയില്‍ കൊല്ലത്തെത്തുന്നതിനു മുന്‍പു നാഷണല്‍ ഹൈവേയിലെ യാത്ര കടപ്പുറം റോടു വഴി തിരിച്ചു വിട്ടു... അതില്‍ പെട്ട ഒരു യാത്രികന്‍റെ അനുഭവം .... ആരു കണ്ടാലും ഇല്ലേലും ... ഞാന്‍ ഇവിടെ കുറിക്കുന്നു... ഒന്നും മാറില്ല എന്നറിയാം ചിലപ്പോള്‍ വീണ്ടും പലവട്ടം ആ ബ്ലോക്കില്‍ കിടക്കേണ്ടിയും വന്നേക്കാം ...
നമ്മുടെ നാട്ടിലെ നാഷണല്‍ ഹൈവേ ഉള്‍പ്പെടെ ഉള്ള റോഡുകള്‍ മുടക്കി ഒരു ജാഥയോ അതു എന്തു തന്നെ ആയാലും നടത്തേണ്ട ആവശ്യമുണ്ടോ??.. അല്ല എങ്കില്‍ അതു വഴി മുടക്കാതെയുള്ള തരത്തിലേക്കാക്കി കൂടെ... ബൈപാസുകളുടെ ആവശ്യം നമ്മുടെ നാട്ടിലെ ചിലര്‍ക്കു ഇനിയും മനസ്സിലായിട്ടില്ല എന്നു വന്നാല്‍ എന്താ ചെയ്ക... കൊല്ലം പോലുള്ള ഒരു നഗരത്തിലെ യാത്ര മുഴുവനായിട്ടു വഴി തിരിച്ചു കടപ്പുറം വഴിയുള്ള ഒരു റോടുവഴി തിരിച്ചുവിട്ടപ്പോള്‍ നമ്മുടെ അധുകൃതരുടെ ഉത്തരവാദിത്വം കഴിഞ്ഞു.. അതിലൂടെ പോയവര്‍ അങ്ങെത്തിയാലും ഇല്ലേലും ഇവര്‍ ആരോടെങ്കിലും തിരകാറുണ്ടോ??.. കേരളത്തിലെ നാഷണല്‍ ഹൈവേകള്‍ക്കു പോലും രണ്ടു വണ്ടിക്കു പോകാനുള്ള കഷ്ടി വീതിമാത്രമേ ഉള്ളൂ.. അപ്പോഴാ ഇട വഴികളുടെ അവസ്ത പിന്നെ പറയണോ??... ഇനി അതു വഴി വോള്‍വോ ബസുകള്‍ കൂടി തിരിച്ചു വിട്ടാലുള്ള അവസ്ത ഇവരു വല്ലതും അറിയുന്നുണ്ടോ ആവോ??... ഇതു രണ്ടാം തവണയാണു എനിക്കീ അനുഭവം ഉണ്ടാവുന്നതു... ആഘോഷങ്ങള്‍ എല്ലാം നല്ലതാണു.. അതു കുറേ അധികം പേര്‍ക്കു സന്തോഷവും മറ്റും നല്‍കുമ്പോള്‍ ... പക്ഷെ അതു നാഷണല്‍ ഹൈവേകള്‍ മുടക്കി കൊണ്ടാവുന്നതു നല്ലതാണോ??.. മറ്റുള്ളവരുടേയും സമയത്തിനു വിലയില്ലേ??... കുറേ പേര്‍ ആഘോഷിക്കുമ്പോള്‍ വിഷു ആഘോഷിക്കാന്‍ ഇറങ്ങിയ ബാക്കിയുള്ളവര്‍ ബ്ലോക്കില്‍ കുടുങ്ങി കിടന്നതു ആരു ശ്രദ്ധിക്കാന്‍ ഇല്ലേ??.. ഒരു പക്ഷേ ബൈപാസു ഉണ്ടായിരുന്നെങ്കില്‍ ഇതിനു ഒരു പരിഹാരം ആവുമായിരുന്നില്ലേ .. ഇതൊന്നും ആര്‍ക്കും അറിയാന്‍ പാടില്ലാഞ്ഞിട്ടല്ലല്ലോ ഇല്ലേ??... ഇതിനൊക്കെ തീരുമാനം എടുക്കേണ്ടവര്‍ ഇതിനൊക്കെ നേരത്തേ അറിഞ്ഞു അവര്‍ വഴിമാറി പോവും അല്ല എങ്കില്‍ അവര്‍ക്കുവേണ്ടി അത്യാവശ്യം ജാഥ ഒക്കെ അല്പം വഴിമാറ്റി വിടുകയും ആവാം ... പാവം ഇതൊന്നുമറിയാതെ എതേലും പാവം ജനം എന്ന കഴുത അതു വഴി വന്നാല്‍ അവന്‍ അനുഭവിക്കുകയേ മാര്‍ഗ്ഗമുള്ളൂ... അവന്‍റെ ആഘോഷം മുടങ്ങിയാലും ഫ്ലൈറ്റു മുടങ്ങിയാലും ഇനി അത്യാഹിതമായി കിടക്കുന്ന ആരേലും കാണാനുള്ള യാത്രയായാല്‍ പോലും എല്ലാം കഴിഞ്ഞു പതുക്കെ പോയാല്‍ മതി... ശരിയാണോ എന്നറിയില്ല നാഷണല്‍ ഹൈവേ പോലുള്ള റോടുകള്‍ മുടക്കി യാതൊരു പരിപാടികളും നടത്താന്‍ പാടില്ല എന്നു നീയമം ഉണ്ടെന്നു കേട്ടു...
No comments:
Post a Comment